კანის პაპილომები (Skin tags)
რა არის კანის პაპილომები?
კანის პაპილომები - ეს არის კანის კეთილთვისებიანი წარმონაქმნები.
რა იწვევს დაავადებას?
დაავადების გამომწვევი მიზეზი უცნობია. ხელშემწყობ ფაქტორებს მიეკუთვნება გენეტიკური განწყობა, სიმსუქნე, ნაწლავების პოლიპოზი, ენდოკრინული დარღვევები.
როგორ გამოვლინდება დაავადება?
• დაავადება გამოვლინდება ერთეული ან მრავლობითი, 1-5 მმ. ზომის რბილი კონსისტენციის პაპულებით.
• გამონაყარის დამახასიათებელი ლოკალიზაციაა ნაოჭები (იღლიები, მუცლის ქვემო ნაოჭი, საზარდულის მიდამო), ასევე ქუთუთოები და კისრის მიდამო.
• ელემენტების შეფერილობა ხშირად კანის ფერისაა, შესაძლოა იყოს მოყავისფრო, კანის ზედაპირიდან წამოწეული.
• გამონაყარი ასიმპტომურია, თუმცა გაღიზიანების შემდეგ (ტანსაცმლით, სამკაულით), ხდება ჰიპერემიული და მტკივნეული.
გადამდებია თუ არა დაავადება?
დაავადება გადამდები არ არის.
განკურნებადია თუ არა დაავადება?
დაავადება განკურნებადია.
როგორ ხდება დაავაადების მკურნალობა?
• ასიმპტომური პაპილომები მკურნალობას საჭიროებენ მხოლოდ კოსმეტიკური დეფექტის აღმოფხვრის მიზნით.
• ელექტროკოაგულაცია ლოკალური ანესთეზიით ან მის გარეშე.
• კრიოდესტრუქცია.
ძიება ვებ-გვერდზე
კანის კეთილთვისებიანი წარმონაქმნები
