ეპიდერმალური ცისტა (Epidermal cyst)
რა არის ეპიდერმალური ცისტა?
ეპიდერმალური ცისტა - ეს არის კერატინით სავსე, კანქვეშა, დიდი ზომის კვანძი.
რა იწვევს დაავადებას?
დაავადების ეტიოლოგია უცნობია.
როგორ გამოვლინდება დაავადება?
• დაავადება იწყება სპონტანურად.
• ხშირია პუბერტატულ ასაკში.
• დამახასიათებელი ლოკალიზაციაა სახე, თავის თმიანი არე და ზურგი.
• გამონაყარი წარმოდგენილია მკვირად შემოსაზღვრული, მოყვითალო ელფერის ინტრადემული, კანქვეშა მკვრივი კვანძის სახით.
• ცისტის შუა ნაწილში ხშირად ფორმირდება ფოლიკული.
• ანთებითი ცისტა შეხებით ცხელია და პალპაციით მტკივნეული.
• ანთების შემთხვევაში წააგავს ფურუნკულს.
• ცისტის ღრუ ამოვსებულია სტერილური კერატინის გროვით.
• ხშირია ცისტის სპონტანური გასკდომა და ნაწიბურის წარმოქმნა.
გადამდებია თუ არა დაავადება?
დაავადება გადამდები არ არის.
განკურნებადია თუ არა დაავადება?
დაავადება განკურნებადია.
როგორ ხდება დაავაადების მკურნალობა?
• ასიმპტომური ეპიდერმალური ცისტა მკურნალობას არ საჭიროებს.
• სიმპტომური ანთებითი ცისტის შემთხვევაში საჭიროა ქირურგიული ექსციზია და დრენირება ადგილობრივი ანესთეზიით.
• არასრული დრენირების შემთხვევაში მოსალოდნელია ცისტის კვლავ ჩამოყალიბება.
ძიება ვებ-გვერდზე
კანის კეთილთვისებიანი წარმონაქმნები
