სებორეული დერმატიტი (Seborrheic dermatitis)
რა არის სებორეული დერმატიტი?
სებორეული დერმატიტი - ეს არის კანის ქრონიკული, პაპულოსქვქმოზური, ანთებითი დაავადება.
რა იწვევს დაავადებას?
დაავადების ეტიოლოგიაში განიხილება სოკო Pityrosporum. ხელშემწყობ ფაქტორებს მიეკუთვნება ნერვული სტრესი და დაძაბულობა, გასტროინტესტინალური პრობლემები, დიეტის უხეში დარღვევა.
როგორ გამოვლინდება დაავადება?
• ახალშობილებში დაავადება გამოვლინდება თავის თმიან არეში მოყვითალო, ერთმანეთზე მიწებებული სქელი ქერცლების სახით.
• მოზრდილებში გამოხატულია ცხიმიანი მოყვითალო შეფერილობის ქერცლით დაფარული კერები.
• დამახასიათებელი ლოკალიზაციაა: სახის ცენტრალური ნაწილი, წარბები, ცხვირ- ტუჩის ნაოჭი, გულმკერდის მიდამო, მკერდის ძვლის საპროექციო არე.
• შესაძლოა ახლდეს ქავილი.
• ხშირია სებორეული ბლეფარიტი.
არის თუ არა გადამდები დაავადება?
არ არის გადამდები დაავადება.
განკურნებადია თუ არა დაავადება?
დაავადებას აქვს ქრონიკული ხასიათი, თუმცა სწორად შერჩეული მკურნალობით მიიღწევა ხანგრძლივი რემისია.
როგორია მკურნალობის მეთოდები?
• გამაღიზიანებელი ფაქტორების თავიდან აცილება.
• თუთიის შემცველი საშუალებები.
• ინდიფერენტული ტოპიკური კრემები.
• იშვიათად ადგილობრივი და ზოგადი ანტიმიკოზური მკურნალობა.
